MSN ROBOT

Category: Video

  • Elgün Həsənovun təqdimatında Elektronika #001​ – Bipollar və elektrik cərəyanı

    Elgün Həsənovun təqdimatında Elektronika #001​ – Bipollar və elektrik cərəyanı

    Dövrümüzdə “Maker“ hərəkatı, 3D printerlər və Arduino həvəskar elektronika sahəsinə yeni nəfəs gətirmişdir. Getdikcə istedadlı ixtiraçılar, həmçinin yenilikçilər prototip, eyni zamanda mürəkkəb sxemlər yaratmaq yolunda müasir və yüksək texnologiyaya daha da yaxınlaşırlar. Bununla yanaşı, həqiqətən tamamlanmış proyektlər həyata keçirmək üçün yalnız Arduino proqramlaşdırmağı bilmək kifayət etmir, eyni zamanda elektronika biliklərinə də ehtiyac var.

    MSN Robot saytı sizlərə Elgün Həsənovun təqdimatında “Hər kəs üçün ELEKTRONİKA” kitabındakı mövzulara əsasən video dərslər təqdim edir. Hazıra təqdim edəcəyimiz Video dərsin mövzusu Bipollar və elektrik cərəyanıdır.

    Bipol nədir? Ümumiyyətlə bipol deyilən bir dövrə elementi yoxdur. Bipol nəzəri olaraq bəzi məsələləri izah etmək üçün istifadə edilən bir termindir. Bipollar elektrik sxemlərdə istifadə olunan bir elementdir.

    • Elektronika

    Bipol elementi rezistor, kondensator, induktor və s. ola bilər. Bir neçə bipol birləşərək dövrələr əmələ gətirir. Bipollardan istifadə qısa müddətdə dayandırılacaq. Bütün dünyada mühəndislər bir-birlərinin danışıq dillərini başa düşməsələr də, sxemlər ilə nə demək istədiklərini başa düşürlər. Çünki elektrik sxemlər beynəlxalq bir sistemdir və hər bir elektronika mühəndisi tərəfindən başa düşülür.

    Daha ətrfalı video materialdan izləyə bilərsiniz.

  • Mars planetinə səyahət edək – 4K VİDEO

    Mars planetinə səyahət edək – 4K VİDEO

    NASA-nın texnologiyası vastəsi ilə marsa səyahət etmək mümkündür. Sizə təqdim edəcəyimiz videoda gördüklərinizin hər biri real olaraq Mars planetinin görüntüləridir.

    Bütün görüntülər bir başa olaraq planetin özündə qeydə alınıb. Mars planetində 4K video çəkiliş dünyada bir ilkdir. Sizə təqdim edəcəyimiz video HD ultra materialdır və bu videonun çəkilişi zamanı istifadə olunan avadanlıqlara zərər toxunmuşdur.

    Videoda sol küncdə görəcəyiniz adları, NASA tərəfindən Marsa verilmiş rəsmi olmayan yer adlarıdır.

    Görüntülər ilk olaraq üç kəşf aparatı vastəsi ilə çəkilmişdir: Spirit, Opportunity və Curiosity.

    Hər kəsi düşündürən belə bir sual var: nə üçün Mars planetini canlı izləmək mümkün deyil? Ona görə ki, kameralar yüksək texnologiyaya cavab versələr də, Marsdan yer kürəsinə canlı data (məlumat) göndərmək sürəti böyük çətinlikdir. Curiosity Mars planetindən yer kerəsinə yalnız saniyədə 32 kb sürətlə məlumat göndərə bilir.

    Marsda heç bir şey hərəkət etmədiyinə görə görüntüləri şəkil olaraq çəkib əldə etmək daha məntiqli hesab olunur.

    Daha ətraflı məlumat üçün video materialı izləyin.

    Mənbə: ElderFox Documentaries

  • İnsanlara küsən Deltu adlı robot icad olunub – VİDEO

    İnsanlara küsən Deltu adlı robot icad olunub – VİDEO

    Süni zəka gedərək daha da inkişaf edir və hətta İsveçrədə Alexia Lechot adlı dizayner küsməyi bacaran xarakterə sahib Deltu adlı robot icad edib
    Deltu

    Əsasən fabrik və atelyelərdə məhsul montajında istifadə olunan Deltu robotlara bir yenisi daha əlavə olundu. Amma bu robot digərlərindən bir qədər fərqlidir. Belə ki, bu robotu hirsləndirdikdə oyun oynamağı dayandırıb özü ilə məşğul olmağa başlayır, hətta selfi çəkib Instagram-da paylaşır.

    Deltu adlı bu robot oyun oynayır, amma uduzmağı heç sevmir

    İsveçrədəki dizayn məktəbinin məzunu Alexia Lechot–un icad etdiyi bu robot bir növ insana xas xüsusiyyətləri özündə daşıyır. Belə ki, bir müddətdir insan və robot arasında münasibətlər mövzusunda iş aparan dizaynerin yeni robotu məhz bu hərəkətlərə əsaslanır.

    Sadə süni zəkaya sahib Deltu, insanlarla münasibət qurmaq üçün nəzərdə tutulub. Videodan da göründüyü kimi Deltu qarşısındakı rəqibinə uduzanda robot oyuna son verib fərqli işlərə yönəlir.

    Deltunun bu xüsusiyyətləri balaca bir uşağı xatırladır. Amma bunun hələ ki, başlanğıc model olduğunu nəzərə alsaq irəlidə daha nə yeniliklər olacağı maraq doğurur.

  • ‘Yamaha’ şirkəti Motobot adlı robot motosikletçini təqdim etdi (VİDEO)

    ‘Yamaha’ şirkəti Motobot adlı robot motosikletçini təqdim etdi (VİDEO)

    Yamaha markalı motosikletin üzərində olan insana bənzər robot professional yarışçı Valentino Rossi ilə yarışıb.

    Yamaha Motobot motosiklet

    Baxmayaraq ki, Yamaha şirkətinin robotu bu yarışda uduzub, motosikletin üzərində insanın deyil, məhz robotun olması bir xeyli təəccübləndirir. Motobot virtual köməkçi və ya avtopilot sistemi deyil. O, tanış olmayan yollarda sürməyi, insanları və yol işarələrini təyin etməyi bacarmır. O yalnız yarışlar üçün hazırlanıb və yalnız yarışacağı yolu tanıyır. Özünün harda olduğunu isə o, ötürücülər və GPS-RTK-GPS sistemi vasitəsilə təyin edir. Düz yolda o, saatda 200 km sürət yığa bilir.

    Yarış zamanı Motobot bütün yarış yolunu 117.5 saniyə ərzində başa vurdu. Valentino Rossi isə həmin yolu 85.74 saniyəyə qətt etdi. Yəni Motobot ondan 32 saniyə geridə qaldı. Maraqlısı isə ondadır ki, robotun idarə etdiyi motosikl tamamilə adi motosikldir. Yəni o təkmilləşdirilməyib. Fərqli olan tək şey yalnız sürücüdür. Robot sensorlar vasitəsilə qəbul olunan məlumatları analiz edir. Paralel olaraq o, yol faktorlarını, küləyin müqavimətini və mühərrikin tormoz sistemini təyin edir.